• Den gode barnehage

    02/04/2020

     

    PROSJEKT:       ”Den gode barnehage” 

    Mål: Å bevisstgjere personalet ved å lage standardar for alt arbeidet med gjer i barnehagen.

     

    Prosjekt skulle gå over minimum 3 år, og dette vert  6. året.

    Det er 8 område som skal få standardar, som skal setjast inn i eit ”Lotus-skjema”:

    1.      Samarbeid mellom heim – barnehage

    2.      Organisering og struktur 

    3.      Vaksenrolla 

    4.      Vennskap og fellesskap

    5.      Språk og kommunikasjon

    6.      Arbeid med fagområda i rammeplanen

    7.      Omsorg, leik, danning og læring 

    8.      Læringsfremjande miljø

     


     

  • Satsingsområde 2020-21

    08/09/2020

    SATSINGSOMRÅDE:  «LEIK».

    Barna sine liv består av leik. Leik gir glede, motivasjon, læring, utvikling og vennskap.

    Leiken er grunnleggjande i barnehagen og i barna sine liv. Leiken må

    anerkjennast for sin eigenverdi.  Barnehagen skal gi gode vilkår for leik,

    venskap og barna sin eigen kultur.

    Leiken skal vere arena for:

    Ø  utvikling og læring

    Ø sosial og språkleg samhandling

    Ø prøving og feiling

    Ø å møte motgang og meistring og bli kjent med eigne og andre sine kjensler

    Ø bearbeiding av opplevingar

    Barnehagen skal:

    Ø gi rom for ulike typar leik inne og ute

    Ø bidra med tema som skaper felles grunnlag for alle i leiken uavhengig av heimemiljø

    Ø jobbe med fagområda gjennom leik som å skape variasjon og utvikling for alle

    Ø skape ein arena slik at alle kan oppleve glede, humor, spenning og engasjement gjennom leik (Rammeplanen, 2017)

    Mål: At barna skal:

    ·         bli trygge og ha tru på seg sjølv, at eg er god nok

    ·         få god sjølvkjensle, og våge å seie ja eller nei

    ·         få oppleve glede

    ·         få venner

    ·         få auka leikekompetanse.

     

    Personalet skal:

    Ø Organisere rom, tid og leikemateriale for å inspirere til ulike typar leik

    Ø Bidra til at barna får felles erfaringar som grunnlag for leik og legge til rette for utvikling av leiketema

    Ø Fremme eit inkluderande miljø der alle barna kan delta i leik og erfare glede i leik

    Ø Observere, analysere, støtte, delta i og berike leiken på barna sine premissar

    Ø Rettleie barna viss leiken medfører uheldige samspelsmønstre

    Ø Vere bevisst på og vurdere eiga rolle og deltaking i barna sin leik

    Ø Ta initiativ til leik og aktivt bidra til at alle kjem inn i leiken

    Ø Sikre at barna er gjennom dei 7 fagområda i Rammeplanen gjennom leiken og andre aktivitetar i barnehagen

     

    Tema-arbeid: «Storleik» eller felles tema i avgrensa periodar i løpet av året, der barn og vaksne har fokus på valfritt tema😊. Kan vere forskjellig frå avdeling til avdeling.

     

    Avdelingane leverer ut meir konkret oversikt i sine halvårsplanar og

    månadsplanar.


  • ZERO - førebygging av mobbing

    08/09/2020

    ZERO - er ikkje lenger satsingsområdet vårt, men ein viktig arbeidsmåte  for å førebyggje mobbing i barnehagen.

    ZERO er et antimobbeprogram som alle barnehagane i kommunen jobbar med.
    Me vil førebygge mobbing i barnehagen.

    Me skal fremje eit trygt og inkluderande miljø i barnehagen, for alle barn, ved å bli gode leiarar. Nokon barn treng meir støtte enn andre 

    Arbeidet med ZERO går mykje på dei vaksne, på korleis me oppdagar, kartleggjar, observerar og rettleiar dei sårbare barna i barnehagen. Dei sårbare barna kan td. vere eit utagerande, aggressivt barn, eit stille, inneslutta barn eller eit sprudlande barn som klarer seg utmerka, men som er svært dominerande overfor andre.

    I ZERO-barnehagen fokuserer med spesielt på støtte til:
    * barn som trekker seg tilbake frå leik og aktivitet.
    * barn som brukar fysisk makt.
    * barn som dominerar og kontrollerar og utestengar andre.
    * barn som ertar enkelte barn. 

    Barn kan vise sosial sårbarheit allereie i barnehagen, og dei er då i større risiko for å mobbe eller bli mobba i barne- og ungdomsskulen enn andre. God utvikllingsstøtte frå vaksne førebygger mobbing.

    Med barnehage-ZERO skal me prøve å forstå dei personlege faktorane og dei samspela som fører til sosialt sårbare barn sine sosiale vanskar gjennom å:
    * sjå deira personlege styrkar og utviklingsområde
    * sjå korleis samspelet mellom dette barnet og andre barn føregår.
     Gjennom kartlegging og observasjon får eit grunnlag for god leiing!